على قديم يا شباب .. إللي عنده مايقصر

ملذوع من قديم انخاف ....... انغالى جديد منا ناتذع

سرق انظره جي في انظري.......دواني قديم وضرني

كذاب من ايقول الجرح .....بعد قديم داويته ابرى

الجديد ايبيد والقديم يقدم .... الا قديم الغلا ديما غلاه جديد

مازال واجعك ياعين....... قديمك اللى سيبك

مكبورة الجديد اعلقت....... تقاوت مع نار القدم

اتقول عايبات اعياب........ ويشلن على دار القدم

ايموت ركن يولع ركن........ اندثمرو فيك يانار القدم

العقل ما عليها زاد..... سهراية القديمين سادا

نداها جديد اسحبت ...... بنادر القديم حاست برضها

داووني اخذو في الأجر ......جارحيني قديمين يا جدد

الله لايردك يالقديم إنكان الرده بالتلويم

ما نروق نين نجيك... غالية على يا دار القدم

يالقديم منازل صوبك ف الخاطر مازالن دوبــك

على قديم نين انموت العين ياعلم بات رايها

اتقول عايبات اعياب.ويشلن على دار القدم

صوب جديد او فيه نعول ما نبيه يجي كي لول

· فيك يالجديد علينا صوب قديمين اتنسينا

اجري جاي اجري ياالقديم علي نيرانك حط رديم

الخاطر ماجابه تلويم انقول جديد ايقول قديم

عقلى اغنى بجدد عليش فى قدم يجيبلى

كويت يا قديم عليك احصل دواي في ايدين الفاضي

· رميت يا جديد عليك امغير مكر في عيت القدم

· وجعت جديد نا كي قلت أنموت والقدم ما انسيتم

جرب يا لقديم الوعه......درت جديد انريدك توعا
يا لجديد قديم علمها......ليمها كى متليمها
العقل مالكه جديد يردم قديم فى سابع وطااااااا
تحياتى لك

وين انقول جديد انجرب .....تخطر ياقديم تخرب........

يالقديم اشقى بى احوالك ...راهو اليوم الجديد بدلك..........

ياقديم مصيون غلاك ......... ماجديد فى القلب زاحمك

نداها جديد اسحبت ...... بنادر القديم حاست برضها
****
نحسابه الجديد لهاك .. بندر قديم جيتي تردحي

يالقديم ماتعبرنى وزيد جروحى وماتقهرنى..................

يوم بيوم العمر يجبي ... و انت غير قدم ما تبي

الكبد في الرحى حطيت .... يطحن جديد و يهاجو القدم

مابا يجي للعقل .. سريبا ينسيني القدم

و العكس

العين لاهية بجديد ... زاحاهم قديمين و انتسو

العقل غايته وغرضه .. عطيته قرضني مع القدم

متقاوى معايا مرضى واخطرو اقديمين زادنى

يالقديم عليك يسالن ........... كان نهيناهن ينهالن

الخاطر يكرب فيه الدم ......... انقول اجدد ايقول اقدم

كسكاس من اجروح قديم ..... امغير يا امداوي انعذبك

حتي والجديد احذاي ........ مسروق ركن ديما للقدم

جديد وقديم وزنت ........ القيت فرق ياما بينهم

ضباب وظلام اقرنن .............غطن اديار لولاف القدم

حتى وانت فيك النار ........ مازلت خضر يا عود القدم

قديم ما خلق ياريت ........ عليه درت كبد وما قسم

نسرق انظرى شور قديم ........ نلقا انظرا شورى سارقة

مادام جديد احذاي ............. يربح قديم ماعاد امدوره

خلاص ماعلينا فيك ياقديم ...تما ماضى وتوة بديت جديد....

خزين دمعنا يا عين ... ممسوك غير في قولة إقدم

ارضيت يا قديم النقص ... معانا بعد واجد غلا

جديد للغلاء نبيه ... يحرث عقاب كبدي الذايبه .

جديد للغلاء نبيه ... يحرث عقاب كبدي الذايبه .

جديد للغلاء نبيه ... يحرث عقاب كبدي الذايبه .

» غناوي و شتاوات عالياس ... و إللي عنده ايزيد
» للناس إللي مش عارفه ... بس !!!!!!!!
» رد برد بشعر او علم ..عالجرح للى عنده يقول .؟
» طلع إشاعة على العضو إللي تبيه !!!!!!
» لمة شباب الجلسة بالصور