غناوي و شتاوات عالياس ... و إللي عنده ايزيد

الياس ما لقى ما يدير ..إلقي حداي لولاف شالهم

ازعما ما نريد انقول الياس صار لله يا علم

ربانى ونا قزون الياس بوى وانا جنينه

صيور صبرنا ماحيه الياس مو على طول عمرنا

عويله الغلا من الياس ذوايح قزازين يشغلو

رحيل خاطرى مغلوب م الياس لا بات لا ركح

أندير غلا يا ياس أتجيه ..... اتقول يدلو فيك عليه

على ثقل احمولى فزيت ..... الياس دفرتة وافتكيت

اسباب الياسات حبيبك .....تهواه وما ايكون نصيبك

ياسك يا عينى متساوى ........ متلايم مافيه فجاوى

على ما قرقض فى الياس ...... قانى عظمه بو غصاص

م الياسات ابكى من جدك ميراثك من بوك وجدك

موقاسم لولاف ونسهم هم حطوا والياس كنسهم

شكيت للياس تمه طريح يلايا فى فرااااش ...

على ياسات انوسع بالى......لين ايحن عليا العالى

ياياس افتكينا ........جابن لاقسام غولينا
ننشد فى خطاط الرمله .....قال الياس خداهم جملة

الله الله الله يابنت عمى يسلم فمك

صاحب يشكي لصاحبه قاله

دمعه بدمعه نشاكو عقاب الليل نا والشمعه عللي طواه الياس

رد صاحبه قاله

انكانك عقاب الليل دمعه بدمعه نا انذوب في الحرمان ذوبة شمعه ماني اللي بكاي

الامير الليبي

هذا هو الياس صحيح .. الا لولي فيه الرجا

ستين الف صوب وياس علىنار لولاف حلقن

عليك عمر ضاع بلاش الياس فيه بادى من اوله

ستين الف خيمة ياس .. بنوهن عزالة للجذر

حتى وانت فيك الياس .. خلق الله توقاتك فرج

بياساك وطول جفاك العقل يا علم دوم جابدك

النار قايلة للعقل إن صار ياس لولاف تاخذك

ان شاء الله بعدياسات........يقسم عزيز وايروق خاطرى

تقاز الغلا محتار........القى الياس على باب الرجا

إينوس خاطري مهيوس....... من ياس ناس كانو له ونس

النار قايلة للعقل إن صار ياس لولاف تاخذك

حتي وأنت فيك الياس خلق الله توكتك فرج

بعد الياس صار نصيب ......... والعقل يا غلا ذاق طعمتك

العقل مو كبير أسنــين ........ أمغير يأس لولاف شيــــــبه

» على قديم يا شباب .. إللي عنده مايقصر
» غناوي على المراجاة...........@
» غناوي على الارياف.....@
» للناس إللي مش عارفه ... بس !!!!!!!!
» مجموعة غناوي { عبد الكافي }