عدد الرسائل : 398 العمر : 40 الموقع : أسياد البر وأوطان الجريد العمل/الترفيه : مهندس كهرباء المزاج : we think god اوسمة : تاريخ التسجيل : 18/10/2008
موضوع: قصيدة الكروزر لشاعرنا الكبير عبد الرحمن بومغيّب الأربعاء ديسمبر 17, 2008 4:24 pm
السلام عليكم اليوم حابب انشارك بقصيده علي التيوتا لاند اكروزر باعتبار انا انا من قبيلة الزوي وهي من مدينة الكفره ولا أهمية هذه السياره لدينا في الصحراء ولعشقي لهذه السياره اهدي لكم هذه القصيده قصيدة الكروزر لشاعرنا الكبير عبد الرحمن بومغيّب
حدود الغايه في كروزر .. ان طاح الزر .. بها ودك غير اتخاطر حدود الغايه تيوتا وقووتا .. عجل من بوطناشر تيلا اللي رقمه سطاش لها .. بها نقدر .. نخاطر لاحر ولا شر حدود الغايه في بنزين .. مع التنكين .. ندير جراكن للتطمين وسوبر م الغالي الثمين .. اللي مكرر .. الصفايه لاتخاف ايضر حدود الغايه في عجلات .. قوا زينات .. مضلع للحيط اعنايات مع قفزتا جا فتفات .. الحيط الحر .. وراها يبقى يصافر حدود الغايه نوع جديد .. صحيح انريد .. ثلاث امرشا بالتحديد احسن من مية نوع جديد .. لها الفخر .. انشد من جربها ف البر حدود الغايه ف الحوسات .. لها قفزات .. تجلي من راسك شيبات وهي مكتوفه بكتافات.. وتزرزر .. مثيل الكوره تنطر حدود الغايه للجضران..بها تطمان .. الفنشه من صنع اليابان تدير مناخر كيف اتبان..بعد تشخر .. تخطر م العبد الساكر حدود الغايه كيف تحوس .. عليها دوس .. سوا مفلس والله بفلوس وهي كيف الابل ف الناموس .. بقو عصّر.. تشلش والوجه يكشر حدود الغايه في ماتور .. امصمم م اليابانيين كروزر م النوع المشهور .. اللي نزلت خمسة وسبعين لها تثغايه كيف اتثور .. تشق الخاطر بتغنغين اللي صنعوها لعبوا دور .. الثاني في لول دايرين اللي نجحت في كل برور .. التيوتا وام عرينين انقنهن مفهومات اصقور .. شكلهن لولا هن لثنين الابل مفهومه وقت الزور .. تودر في ناس فراسين وسابت للتيوتا دور .. شكلها زاد اخرى ميلين وياما من عيل غندور .. عجلها دار عليه حنين تجرك للوطن المسحور .. ويكمل زادك والبنزين وياما تقطع دير ايدور .. اتقضه والماتور ايلين الوطن الغابي والمشهور .. تجيبه لك في رمشة عين مناة الخايف والمزرور .. تقرّب دار المنحازين اللي صمم صنعك مشكور .. وهو كافر .. الله وعلم مايلحظ شر حدود الغايه في كروزر .. انطاح الزر .. بهاودك غير اتخاطر
ولعشقه للتيوتا نظم شاعرنا عدة ابيات عليها يسرنا ان نتطرق اليها الان قال شاعرنا بومغيّب
انصهين ويجيني تخميم.. ايهف نسيم.. سريب التيوتا القديم انصهين ويجيني تفكير.. ايهف هرير.. الغبره في رقراق سرير الوطن اللي ماخشه طير.. انجاها ضيم ..اتخاطر خبرتا تقجيم مسارك مافيه اتعوكير.. الا تخريم.. اتقسّم ف الصحراء تقسيم امحرك مو كي المواتير.. ايحيد رديم ..غشايش ع الكبد زمازيم الهن مدة راقات امرير.. قشاوي ريم ..مع الوقت اظلم تظليم بعد ما تسلك صوا اتدير.. الها تنغيم.. بزنه كي زنة اليتيم الها زومه حس اتجقمير.. جضيض عديم.. اتحطم ف الخاطر تحطيم اتشدك نين النوم ايطير.. ان كنت فهيم ..اتصحصح ع التغفاي اتصيم انصيهن ويجيني تخميم.. ايهف نسيم ..سريب التيوتا القديم انصيهن ويجني ساعات.. انكمل ليلي في تفكير انجيب سريب التيوتات.. منامي يحتاج لتفسير انجبت الحاضر واللي فات.. انغونن نين النوم ايطير تهايا صوت ام اسكورطات.. مع رقراق اتقول غدير بعد تكحشا ف الحوسات.. تهايلك م الارض اطير لها بالمجوز كارونات.. اقضوضه ف النفيج ادير اتعزِي ووصافك وجدات.. الله عليم انقفل عن ها البراريم امغير تهاين لحكايات ..جبدت رديم نوارينك يام عووايم انصهين ويجيني تخميم.. ايهف نسيم.. سريب التيوتا القديم
وقال ايضا
مرايف ع الصحراء وع التيوتا ..امغير كيف ما العيل ايفارق خوته مرايف ع الصحراء وطول ادربها.. وبنّت الجلّ ونارها وحطبها وتلقى جلوبه وين ما تقربها.. تجفّل اتشيل القز بالفتفوته وانتا امعاك الخايبه بقربها.. اتجلي جضراك كي اتجي مكفوته ماتورها م الشرق لا مغربها.. ماهناكشي ماتور شابه صوته مرايف ع الصحراء وزول الناقه.. وكم دير تحسابه بلط رقراقه فيه الغزال اللي رقيّق ساقه.. راضت امعاه ايفوتا وتفوته ومعاهن غزير الذيل بو عراقه.. في وطن مستخطي عفي منبوته مرايف ع الصحراء وع التيوتا.. امغير ما العيل ايفارق خوته
lodylody مشرف أقتصاديات والاوراق المالية
عدد الرسائل : 650 العمر : 44 المزاج : الحمد الله اوسمة : تاريخ التسجيل : 23/09/2008
موضوع: رد: قصيدة الكروزر لشاعرنا الكبير عبد الرحمن بومغيّب الأحد ديسمبر 21, 2008 9:33 am
السلام عليكم
تحيتي لك اخي على القصيدة
ربي يعطيك الصحة على النقل المميز
قناشي و حر مشرف هدرزة الجلسة
عدد الرسائل : 1419 العمر : 46 العمل/الترفيه : مهندس كهربي المزاج : متعكر اعلام دول : اوسمة : تاريخ التسجيل : 07/10/2008
موضوع: رد: قصيدة الكروزر لشاعرنا الكبير عبد الرحمن بومغيّب الأحد ديسمبر 21, 2008 2:11 pm
لاند كروزر رائعة ... قصدي قصيدة رائعه بجد .. متميز في اختياراتك سالم
بنوتة ليبيا مؤسس منتدى جلسة
عدد الرسائل : 604 العمر : 45 العمل/الترفيه : قانونية المزاج : عال العال مزاجك اليوم : تاريخ التسجيل : 22/09/2008
موضوع: رد: قصيدة الكروزر لشاعرنا الكبير عبد الرحمن بومغيّب الجمعة ديسمبر 26, 2008 5:28 am
قصيدة حلوة على التيوتا كرايزر
شكرا سالم على نقلك الرائع للقصيدة
ليبية وافتخر مهندسةو مشرفة ديكور الجلسة
عدد الرسائل : 746 العمر : 53 الموقع : فى عينيك مكانى العمل/الترفيه : مهندسة معمارية المزاج : مجتهد جداً اوسمة : تاريخ التسجيل : 06/10/2008
موضوع: رد: قصيدة الكروزر لشاعرنا الكبير عبد الرحمن بومغيّب الجمعة ديسمبر 26, 2008 6:34 am
الله الله يا سالم
حدود الغايه في كروزر .. ان طاح الزر .. بها ودك غير اتخاطر بس مش لازم بالصحرة ... حتى فى طرابلس مكانها زين
والله هبلتنى بالقصيدة ... وحتى هيا اللبوة احلى سيارة من وجهة نظرى ... وسيارتى المفضلة والله مشكور من قلب ليبية وافتخر وسبقتنى بنوتة بالصورة بس لو لونها ابيض احلى
salem elzway مشرف جلستهم
عدد الرسائل : 398 العمر : 40 الموقع : أسياد البر وأوطان الجريد العمل/الترفيه : مهندس كهرباء المزاج : we think god اوسمة : تاريخ التسجيل : 18/10/2008
موضوع: رد: قصيدة الكروزر لشاعرنا الكبير عبد الرحمن بومغيّب الأحد ديسمبر 28, 2008 12:00 pm
لودي شكرا لزيارت متصفحي
salem elzway مشرف جلستهم
عدد الرسائل : 398 العمر : 40 الموقع : أسياد البر وأوطان الجريد العمل/الترفيه : مهندس كهرباء المزاج : we think god اوسمة : تاريخ التسجيل : 18/10/2008
موضوع: رد: قصيدة الكروزر لشاعرنا الكبير عبد الرحمن بومغيّب الأحد ديسمبر 28, 2008 12:03 pm
مشكور أخي القناشي والاروع هو وجودك الدائم
salem elzway مشرف جلستهم
عدد الرسائل : 398 العمر : 40 الموقع : أسياد البر وأوطان الجريد العمل/الترفيه : مهندس كهرباء المزاج : we think god اوسمة : تاريخ التسجيل : 18/10/2008
موضوع: رد: قصيدة الكروزر لشاعرنا الكبير عبد الرحمن بومغيّب الأحد ديسمبر 28, 2008 12:08 pm
أهلان بنوته مشكور علي
الصوره الرئعه لاخر طرز من تيوتا ويطلق عليه في الشارع الليبي مفخرة الارض
salem elzway مشرف جلستهم
عدد الرسائل : 398 العمر : 40 الموقع : أسياد البر وأوطان الجريد العمل/الترفيه : مهندس كهرباء المزاج : we think god اوسمة : تاريخ التسجيل : 18/10/2008
موضوع: رد: قصيدة الكروزر لشاعرنا الكبير عبد الرحمن بومغيّب الأحد ديسمبر 28, 2008 12:17 pm
ليبية وافتخر كتب:
الله الله يا سالم
حدود الغايه في كروزر .. ان طاح الزر .. بها ودك غير اتخاطر
بس مش لازم بالصحرة ... حتى فى طرابلس مكانها زين
والله هبلتنى بالقصيدة ... وحتى هيا
اللبوة
احلى سيارة من وجهة نظرى ... وسيارتى المفضلة
والله مشكور من قلب ليبية وافتخر
وسبقتنى بنوتة بالصورة
بس لو لونها ابيض احلى
شكرا لكي أختي لليبيه
ولكن الشاعر يقصد في أبياته الموديل القديم من تيوتا لاند كروزر لانه اثبتت جدراته أفضل من الحديثه لدينا في الصحراء
وهي مرغوبه بكثره من المهربين ويقصد بالتحديد تيوتا 24 او يطلق عليه الثعلب
الأربعاء ديسمبر 17, 2008 4:24 pm
