عزاء نقبله فلي فقدنا زوله..

قصيدة مؤثرة جدا سمعتها

و لكن بجد مانيش عارف من الشاعر

تقول القصيدة

عزاء نقبلو فلي فقدنا زوله ... نبكو عليه الدهر تام بطوله

رحل خلانا .. الله يرحمه ما ظل غير مكانه

و مازال في وسط القلوب معانا ... إن شآء الله ايصبرنا عليه المولى

مكاتيب جت من ربنا سبحانه .. هكي حكم و الحكم ننطاعوله

عليه بكينا إلا الدمع عمره ما يجيبا لينا

صبر عليه الوالدة مسكينة .. عليه باكية و خدودها مبلولة

و جملة العيلة حاسة الغبينة .. برحمة المولى في الصلاة يدعوله

عزاء نقبلو فلي فقدنا زوله ... نبكو عليه الدهر تام بطوله

بصدق قصيده مؤثره اخي القناشي

وهي أكيد قصيدة رثئا لاحد فاقد شخص عزبز

الله ياخويا القناشى خطرت عليا بابا الله يرحمة
تعرف كتبت عليه قصيده نفس الاسلوب الكلمات ..............
الله يرحمة يااااااااااااااااااااارب ............
وين ما الليل يجيها تسيل فاقدة غالي عزيز عليها ... العين باكية

لجرح من الاحباب واعر طبه ولكن جروح الكارهين شفاه
والجرح من واحد عزيز تحبه يطول وماينفع معاه دوا
والعبد مايقدر يعاند ربه هاللي خلق كل العبيد سوا
واللي تشكره يصعب عليك تسبه واللي يكرهك يمنع عليك دواه

القيت البكاء ممتازحاجه روعه ..أيهون عاللى خاطره مكسور ..وأستاذ فى البكا وأبكاى نادر نوعه .. وأمحصل شهايد فى البكا مشهور ..وأندرس على طلاب فى موضوعه ..وأنديرمعهد عالى للبكا مشهور ..والطالب إيجى جايب أمعاه أذموعه ..شروط القبول الحزن عنده دور أهناك فرق بين أبكاه فى المربوعه ..وأبكاه فى الخلا وأبكاه للجمهور . ناصب نوعه.؟؟؟؟؟؟؟؟؟؟؟؟؟؟

مازال عندي صبر:ومازلت نكمي في امواجع غبر ومازلت للياسات حافر قبر لكبار الكواين واتيين اوتاء ومازال عندي كسر يبي جبر لكسر الخواطر مالقيت دواء ومازلت ناخذ من حياتي عبر بين التعب والهم ومعاناء.............

» (** مجبوره نقبله **)