بادية سارق القلوب

السلام عليكم ورحمة الله وبركاته
في البدايه لايسعني الاان اشكر اعضاء المنتدى والمشرفين وكل من ساهم في انجاح هذا المنتدى
المهم

سلامي عليكم والسلام هديه .......ياغصرت الي على الحباره حام.
يابو شفاه امعورجا ونقيه........... يابوغثيث اتقول ريش نعام.
على مادريت العقل فيه اخلويه...... ماباعلينا بالخطاء يلتام.
ولابا يبردها سقوع اميه ..............ولابا يطفيها بطا الايام.

هذه القصيده لاحد الشعراء الليبين.اما قصيد اليوم هي

عرق الصوب ذبل نحسابه .............فك اجدابه ...............هينع بمهايات اصحابه.
عرق الصوب احسبتا.......ميت دونك راق بعد يبسانه ......بومشوط اسود ومزيت ........بقرنفل فايح ريحان ........
.امحسبت الخونات امبيت .........لافي صوبه في خيانه ........زاد رغابه ....فك اجدابه ........هينع بمهايات اصحابه ......
..........عرق الصوب

بادية سارق القلوب ...روووعه بس تقصد احب البادية اأنا لانه فيها نوع من صفاء القلوب
...
مشكور على قصيدة ...ولك احترامى وشكرى

الله عليك يا سالم .. ما كنت نحسابك لك في الشعبي .. بصراحة ابدعت في الإختيار

والله يامشرفتنا دلوعه انتي ادري مني في الاموار هذين

او اذا اكان قوالك انا انخلوه احب الباديه راح انغيره

ولكن اسم القصيده بادية سارق القلوب

السلام عليكم اخي القناشي

اكيد لدي في الشعبي ولاتنسأ اني من مدينة لديه العديد من الفطاحل شعراء الشعبي

منهم جمعه بوخبينه

مفتاح الفالح

محمد بوهارون

عوض حامد

وغيرهم من الشعراء الشعبيني

أكيد سالم اجدابيا من المدن إللي اضم شعراء متميزين جدا ... لكن انا من معرفتي بيك الفترة إللي فاتت مش عارف ليش حكمت عليك انك ميال للخواطر و الشعر الفصيح أكثر .. بس طلعت غير سالم و تميزت في الشعبي ... ياريت تدخل عالشتاوات و تكتب كم غناوى راهن حشيشة عندي

حاضر غالي والطلب رخيص اخي القناشي

ولكن الفتره الي فاتت مزبوط ميولي كان للخواطر صح

والشعبي له دوره عندي او اجمل حاجه عندي كلام الاجواد معنديش معاه روحه

» دواء القلوب
» بأي القلوب سابكيكي يا غزة
» القلوب انواع فما هو نوع قلبك ؟