هضا مكان لقانا...

هضا مكان لقانا

هضا مكان لقانا .....ابكي انكان بكاك جاب أمنانا ...نين تنعمي

هنا جانـــــــــــــــــــي .............و هانا علي موعد غلا لاقانـــــــي
و هانا ورا صوبه ردح ميــــزاني.............. و هانا نطق لي بالغرام لسانـــــــه
و هانا أجادلنا بضرب معانـــــي.............. و هانا نديم الشوق كاس أسقانا
و هانا بما في داخله شاكانــي............. م الشوق م الغلا من لوعته و أحزانه
و هانا قريب الدم و البرانى.............. تعجّب لقوة صدقنــــــا و وفانـــا

هانــــــــا جينا ............... و هانا على الصوب العفيف حكينا
و هانا دفنّه حزن ماكن فينــــا................ وهانا ذرفنا دمـــــــع في ملقانـــا
و زاد هنا م الشوق الدفين شكينا........... و هانا بعد تسكيب كـــــــف بكانا
و هانا احتار اللي رقيب علينا ................حلل و لكـــــــــــن ما فهم مغزانا
و هانا الفاهم ما فهم طارينا................. بألغاز نهمسوا م الخوف م الفتانة
و هانا اللي حساد وقضوا بينا............... و عالـــــــوا علي تخريبته مسدانا
و هانا اللي قاس الغلا تكوينه............... صبّا بما جابـــــــــــن يديه معانا
و هانا و نحنا شابكين يدينـــــا.............. بكينا بعد حان الوداع أوانا

هــــــــانا صـــــــــار................ ملقــــــا علي موعد غلا بقدار
و هانا وقفنا ضد للتيـــــــــــار............. وبعكس المسار مشا بحسب أهوانا
و هانا أداولنا الحديــــث أشعار............ أو وضعنا عفيـــــف الغزل في ديوانه
و هانا و نحنا يا زمان صغـــــــار............ أضحكنا على اللي ما أرضيه زمانــــه
و هانا الشاكي اللي شكا من نار.......... خففنا مصابا وين ما شاكانــــــــــا
و اليوم يانا يا زمان كبـــــــــار............. و نواروا علي لخرين في شكوانا

هانـــــــــا جيتـــــــه............. و هانا علي نار انتظــــــار ألقيته
يراجي و تاعب من امرار رجيته............. و ضحكن عيونه كي أوصلت ألحاله
اللي لا يهون و لا نهار أنسيته............. و لا تصيـــــــر لا نقدر علي نسيانه
غالي علي اصاعبت قسميتـه............ من ناس ما الصوب اسمروا من نيرانه
و مازلت نرجأ في كريم عطيته............. طالب غلاه أيسهله جرنانه
و يجبر خواطرنا و تصدق نيتــــه ............و نيتي و نبنوا من جديد ابنانــــــــا
يصير الملا قه من بعد تشتيتــه............ يلتـــــــــــم شملنا يعودن أيام زهانا
خطرها مكان امنين ما حقيتـــه............ استحضرت ماضي كادني اجحدانــــا
و سيرة اللي لاعند يوم الميتة............ و نا كل يوم نقول حيـــــــــــه فلانه

هضا مكان ألقانا.............أبكى انكان أبكاك جاب أمنانا.........نين تنعمي

أرجوا ان تنال أعجابكم

تحيــــــــــــــــــاتي

و هانا أجادلنا بضرب معانـــــي.............. و هانا نديم الشوق كاس أسقانا
و هانا بما في داخله شاكانــي............. م الشوق م الغلا من لوعته و أحزانه
و هانا قريب الدم و البرانى.............. تعجّب لقوة صدقنــــــا و وفانـــا

هانــــــــا جينا ............... و هانا على الصوب العفيف حكينا
و هانا دفنّه حزن ماكن فينــــا................ وهانا ذرفنا دمـــــــع في ملقانـــا

منوووووووووور اخى البحار

بصراحه

انت فعلااااا مميز ياغالى

تسلم يدك

المعبدى كتب:: و هانا أجادلنا بضرب معانـــــي.............. و هانا نديم الشوق كاس أسقانا
و هانا بما في داخله شاكانــي............. م الشوق م الغلا من لوعته و أحزانه
و هانا قريب الدم و البرانى.............. تعجّب لقوة صدقنــــــا و وفانـــا

هانــــــــا جينا ............... و هانا على الصوب العفيف حكينا
و هانا دفنّه حزن ماكن فينــــا................ وهانا ذرفنا دمـــــــع في ملقانـــا

منوووووووووور اخى البحار

بصراحه

انت فعلااااا مميز ياغالى

تسلم يدك

شكرا أخي المعبدي

تسلم وكلك ذوق

نورت الصفجه

تحيــــــــــــاتي

وكيف ماتنال اعجابى والله حلوو