مرايف علي بنغازي

السلام عليكم و رحمة الله و بركاته

و تحية طيبة للجميع

هذا الشعر قرائته و اعجبني كثيرا

و لو حد عارف اسم كاتب هذا الشعر

ياريت يذكره

مرايف على نسمتها
نعشق سبخها وشطها وبركتها
اخريبيشنا والصابري وحومتها
بعيد عن بحرها
مايروق مـزاجي
فيها العرب عاشت على فطرتها
فيها اصحابي وعزوتي وملاجـي
انوااااااااااااااااار يابنغازي

بنغازى

اندير روحي رايق .. حتى انكان منك خاطري متضايق
نفرح إن ريتك
اني فرحان .. حتى انكان منك خاطري مليان
يلي سكنتي سكن في الوجدان .. ويلي افراقك ما نطيق دقايق
ويلي عصيتي عصى ع النسيان .. حتى ان كنت ثابت في خطاك حقايق
مرات العواطف ضعف في الانسان .. ودون القرار الصعب تبقى عائق
ومرات الظروف وقسوة الحرمان .. يرمنك عللي مر ماهو ذايق
واجد اللي فارح وهو زعلان .. وفيه نار لو تطلع ادير حرايق

بنغازي

ياريت حبك هادي .. على ما يصيرأمعاك راني عادي .. ومرتاح مالزعل
ياريت ماهو ماكن .. وياريت حبك في ماهو ساكن
لا حن قلب ولا عيون تباكن .. ولا العقل منك شال جاي وغادي
يا ريتني متهني .. لا بجرح نشكي لا غلاك سكني
ولا بقيتي جزء في ومنّي .. ولا تخطري وقت انجي لوسادي
يا مشكاي .. ما قدرت نشكي وانت منك داي
ياللي بعيد وفي المكان احذاي .. ياريتك اتحس النار تحت رمادي
ياللي بخطاك .. مازلت متمسك انريد ارضاك
لا قدرت لا نقدر انعيش بلاك .. علي ما ادير ايشيل عندي وادي
ياللي بامرار .. نكافح انريد امعاك الاستقرار
وصادر ولاغي فيك كم قرار .. وزاعل وراضي وفيه ناس امعادي

بنغازي

نحنا هلك يابنغازي انجوك انجوك..ولو انسينا اروحنا ماننسوك
نحنا هلك يالحبيبه انجوك حتي لو الراس تعبه بشيبه
نحنا هلك يالكريمه خضنا علي شانك حروب قديمه

منور أخي لقناشي على القصيده الرائعه في وصف

ندينة بنغازي الحبيبيه وانا عن نفسي اول مره تمر علي

تحيــــــــاتي لك أخي العزيز 22/1 قناشي حر

رائعة القصيده وبنغازي تستاهل أكثر
رائعة أخي القناشي
سلمت على النقل الرائع

» خبر عاجل من بنغازي
» نبذة عن { مدينة بنغازي Benghazi }