ليبيا الحب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ليبيا الحب

ليبيا الحب
 
دخولالرئيسيةالبوابةأحدث الصورالتسجيل

 

 ملحمة النجع

اذهب الى الأسفل 
+4
بنوتة ليبيا
دلوعة بابا
mm752005
بنت بنغازي
8 مشترك
كاتب الموضوعرسالة
بنت بنغازي
معانا فالجلسة
معانا فالجلسة



عدد الرسائل : 16
تاريخ التسجيل : 28/09/2008

ملحمة النجع Empty
مُساهمةموضوع: ملحمة النجع   ملحمة النجع Emptyالخميس أكتوبر 09, 2008 1:19 am

السلام عليكم :- القصيدة طويلة وهي مشتركة بين الشيخ بن رويلة المعداني والشاعر رحومة بن مصطفى

النجع اللي يجيه الميعاد ** ووجوه اجــواد ** اليوم دومنه جوبه تسواد
***
النجع اللي يونس من الخوف اليوم دونه جوبه تدغام
سرير ورمله تدير سيوف وهى جاي وهم لاقدام
تبي مده تمشي في دفوف نفازتها بالعشر ايّام
جلوا م اللى مافيهم روف عرب همّه وتبني ع النّام
عرب صفّ يقالب في صفوف عرب سنسق بهلاله تام
عرب عيّل ماهو مخفوف ** فيسان رشاد ** من يوم غابوا ماصار جهاد
***
النجع اللي يرد المضمون اليوم دونه جوبه تشهاب
سرير يقابل لون بلون مظلّم يقلب فيه سراب
وهم لقصى والخالى دون الناس اللي بيهم تنهاب
زعم ما يبرم بيهم عون زعم م يلفوا ناس اصحاب
يجوا كيف معاز الغيدون انهدّن في جدون سياب
وبيديهن طعن وكاعون مناشر ومدفّع وحراب
عرب صوله لرواح تهون نهار علف الموزر ينذاب
نهار ما فيهم من مدفون الخيل بلا هلهن سيّاب
نهار جوهن كيف الدّبنون قطا وارد مضنون وعاب
نهار كيف نفيض العرجون زنايزهم مرد وشياب
عرب تعرك غير المسنون نهار موت الفرسان مناب
عرب تركب غير المصيون عفي جنبه ماجاه ركاب
نهار نار اوطى وفي الجّون نهار دار السامر لهْلاب
نهار يقالب فيهن عون غلابن والياسر غلّاب
نهار طايح مرمى سعدون كمل يومه وتمّم لحساب
نهار تلاقن في مامون ** صبر ماحاد ** بعزمه جيش الرومى كاد
***
النجع اللي يداري ع السّب يستاهل تعظيم الشان
عرب همّه ولهم منْسب ضنا جدّ يقولوا درمان
بعدهم حال الوقت خرب برايه كل وذيله بان
لو كان توه يقولوا شرّب اسّقّد من برّ السودان
على مرزق جا متصلّب خذا غات وواو وفزان
نواذيره طقّن للشب يبن مركز هون وودان
سكع بيه الطليان قرب لاوْ خايف لاهو مطمان
محضّر جيشه ومكذّب نصيب وهي لقوم تبان
مدافع في لبرج نصب وتومج له دون البلدان
تلاقن وعد الله ركب الرومي واولاد سليمان
وعا اللي في دماه يخب وعاد اللي طايح غلبان
مرامى تحلف غير نشب العسكر في وسط الميدان
سواري ع الكردون تكب نصرهم مولاى الرحمن
وفرّج ربي عونه هب ** بخيره جاد ** ضوت بعد ظلومه وسواد

***
رحومه بن مصطفى

النجع اللى فيه لواليب دوازين يجيبوا في الرّاي
اللى كان مزرّب تزريب على منهل عزّ السقّاى
اليوم دونه يشوّب تشويب سراب سهسّل ناي بناى
وقارات تقول مراكيب بعد فاتو عقبنهم جاي
انزاحوا فرسان التّصليب عرب كوت ينغنع بكّاي
وما كانهم جعلوا ترتيب عسايس داروهن هاناى
ولاركبوا في ازوار سبيب ولاظهروا والرامي جاي
وهم خشوه بلا ترييب سرير تقول بحر دوّاي
بْقربن سودان جنانيب ومترس متْسلّح واسعاي
هوين بيهم دومان عجيب نقل قيس اذان الصلاي
على كول المال دعابيب يدنّوا فيهم بالهدّاى
خذا عون القبلي تشريب رحيل وصمّال ومشّاي
هوينه متنصب تنصيب على قيس سهيل الضوّاي
هوينه والاه التّكهيب على برّ سمّية واداي
وبديوا فرسان التّهْييب بعاد على الماشي والجّاي
زعم ما يلفوا بعد الغيب اجــواد عليهم باب عناى
يجوا في روزة حيل نصيب وساعة نصره من مولاي
انحدروا في ادةار مساليب وهاذاي رقي من هاناي
ملاقاية شلاّقْ وذيب وتلاقوا هذاك وهذاي
ربخ سوق يدير لهاليب التمّ البايع والش\ذر\ذاي
بدنْ فيه عقود وسباويب يهّن نيار وسدّاي
وبدي فيه يسيل موازيب الدمّ تقول شراب اوناي
وبديوا هاذوم مقاليب عراجين رماهن رقاي
بجملتهم كملوا تسريب نجي منهم غير الجرّاي
حيا الله اولاد سناهيب ** ثناهم شاد ** اللي لاقاهم راح رماد

***
النجع اللي يجوه زرابيق مساير يردن فيه ورود
اللى كان ملحق تحليق على منهل متسمّى عود
اليوم دونه مغلّق تغليق سراب ويندن بيه غرود
وهم خشّوه بغير طريق خذوا ع اليمّ السّير قصود
بقربن ما فيه صفاصيق جدد كيف مدهن مجبود
هاوين فات منوق تنويق رحيل يطخّوا فيه قلود
يمّزق في الجوبه تمزيق مجوّن ليل نهار مدود
تقفّوه اولاد بناديق عوايق والمليون قصود
انزاحوا فرسان التفليق لهم لا ناشد لامنشود
الله دايم راحوا تشليق عرب كانوا عزّ المقصود
زعم ما ترمي بيه طريق بهم فارس نصره معدود
بعرضي متنوّي التسويق فراسين متاعين عنود
ومع دّفة ضحضاح مضيق تلاقن بقصار الميعود
ودار سوق الفُوشيك نقيق ربخ تمّ السامر ميقود
وها الكُور بقوّْ التبزيق يزوم تقول زنيف رعود
وتمّ اللى ما هوش شفيق يعرّض في لسان البارود
وتم اللى سرّ حماميق ان فزّْ يجي ديره مقنود
وبدين لسوام مطاليق البايع والشاري ميجود
وبديوا هاذوم معازيق عذف جارف من غير جبود
حشاك تقول تواو عقيق يطيحوا بالعشره عنقود
مساتيف تقول جواليق مرامي تلقاهم في الهود
شقِّيين تقول محاريق من الله صهايدهم سود
وهاذوم تقول براريق عليهم يقد النًّور وقود
معاهم جا مخطرهم سيق الحالصل ما منهم مفقود
على يديهم صار التحقيق ** بعد لنكاد ** هنا تم البرّ والبْلاد

***
النجع اللى مْحشّد ملموم اللي ضاري م البعد يجوه
قدم فيه شيابين رسوم ليا غاب الراي يجيبوه
عرب تركب غير المكروم عرب ضايل بالدَّير حزوه
عرب تعرف للضيف لزوم عرب للخاطر بيت بنوه
عرب واغش ماهو مذموم عرب صيت من الناس خذوه
عرب حايش فوق المهدوم ركيب كاد اللى يعدوه
عرب حايش فوق المهدوم ركّيب كاد اللى يعدوه
عرب منهم منهل معلوم يكزّ ويوهق لا وردوه
ولو ماهو مقسّم باليوم الياسر عطشان يردّوه
اليوم هاوْ بلاهم مردوم مهيّم ع الفاضي خلّوه
اليوم يغرّد فيه البُوم الموكر من قال يهونوه
صمل بيهم عيّل ديلوم الرقراق الدُّوني فاتوه
وخشّوا غيم يدير خشوم صعيب على الناس يسمّوه
الله دايم فرسان الللوم تقاصوا من دايل كرهوه
يجي منهم كاغط ملظوم يطبّ على ناس يقروه
يقولوا فيهم طبل يزوم بصحّ على قول اللى روه
يلمّوا في كوْم على كوْم الوطن المنحاز يريدوه
ويقولوا داوتهم جت عوم حضرهم لخوانى زاروه
يقولوا دارلهم سلّوم نصيب وماهوتك ردوه
عطاها لهم عطية مرحوم البركه واخذوها من بوه
وجا كيف الصقر اللي يحوم بهم رايسهم واتبّعوه
نهار مسافه عاشر يوم الحيل وهو راقي لاقوه
يبي يمترز هجموه هجوم تريس كما جدون هدّوه
وتم حشاكم جيش الروم الركن اللي يزوّد يسفوه
وراح الظالم والمظلوم الطاري من هاذوم محوه
اللى ما هو في دماه يعوم ميسّر في يديهم جابوه
واصبّح مبناهم مهدوم ** تقول حماد ** مريغن من قوّْ الملهاد

***
الوادي اللي فيه ظلاليل ** يبانن بالمنعات كبار
هشايم فيهن ظل حويل ** مصقّع وانْ لنّوّ الحار
عليهن يرمي في التقييل** اللى جاي معطّس دّوار
عليهن يهمت طول الليل ** البارق لا لوحة لفجار
وها الرعد يدير تزلزيل**اشاير رجعيّات امطار
شبوبه بالغيظ تجلويل** نسومه بالشرقي زعتار
واصبح بو جالات مكيل ** ميّر يضرب في الطافار
ملوح م الغيظ زماهيل ** على روس شفاوي لدوار
اسياد البل جوه معاجيل **يبو فيه المنزل بالدار
ركب رايدهم فوق خويل **عطوه اجلة ليله ونهار
وراه دار الحصواص دقيل ** دقيني ع الجّوبه صبّار
قطع زمزم قص تشرويل ** يبي بي دلال امّ حوار
وجا غربي ها المعازيل **خذا الجّون مع ها القرار
وهيف ع البغله في الليل ** عليه فاحت ريح النّوار
لقيه داير غير شهاليل **الرّامس والحلق ولوعار
تقول فيه تخضب بالنيل ** معورج يزرق ويصفار
ولهن ها لّسهاب تماتيل ** على لفة سوق التجار
لقي فيه الديجوج قليل ** الليح ما قابل يذكار
لقي جرة فيه مهاميل** جلايب بو جديان صغار
بعد حدد باب التمقيل ** برم فيسع بيه الهدّار
وجا ناقل نية الترحيل ** وهم فيه يراجوا حضار
قال لهم شي تبهليل ** عفا عمري ما ريته صار
وخبّرهم باتوا ع الشّيل ** بجملتهم ما يعب جار
سبايل يبكوا ع التقبيل ** غشايش من يقرب الفوّار
ومن ضيقة ها المياييل ** اللى غير حوايز وهجار
ومن دولة ها البراطيل ** شهاده انهن داخن لفكار
اراضينا جيل ورا جيل ** خذوهن والكاتب سكّار
وكل يوم يقولوا لك قيل ** خبرهم في الريق بقي مرار
طلبتك يا عدّال الميل ** تفرّج يا عالم لسرار
بجاه الوليه بالتجميل ** وكل من هو مشهور مزار
من غدامس لا برّ النيل ** من مقبّل لا بالمبحار
بحيرى بو معوال طويل** ويا بن همّال وصرار
ويا لسمر يا سيد الخيل ** اللى ضاري فارس نغار
اللى مانك من سرّ عطيل ** انت سرّ فواتير حرار
وجاهك عند الله طويل ** انت جبت يسيرة كفار
نبو منّك ندهات جميل ** انت تعرف للشارق كار
تسخّر بيبان التسهيل ** بنصر وتسقيمه لشوار
يجي عرضى في حيل ثقيل ** فراسين يفكوا في الثار
يجي عون معاه طراشيل ** فروخ تقول طيور حرار
مقصدهم بنجوم الليل ** حسوني في الظلمه خّبار
جغم بو هادي في اوّل ليل ** خذا القصر بلوحة لفجار
اصّبّح لبويرات مقيل ** خذاهن باموال التجار
ووالتهم جمعه في الليل ** تنوّوا بن جدّوع مزار
وشالوا من قيس الّشهيل ** زيارتهم في ايام اقدار
ولمباكر تكّوا بالخيل ** عطوا لمّي عيشة مشوار
وتمسوا في شارب ليتيل ** اللى راهم يقدوا في النار
وناضوا هاذوم معاجيل ** حرام ما منهم نافخ نار
شجرهم للحيوان سبيل ** مشوا ما ذاقولاش اثمار
وهاذوم عطوهم تكميل ** عشاهم والشّاهي مندار
ونطوا م اللّيد معاجيل ** طرابه بيفكّوا لوكار
تقفوهم بشبوب ثقيل ** ببومشطه من ها القصار
وعاد كما ضان مضاليل ** مصادفها ذيب المصدار
وكل مرّه يطيحوا في ذيل ** ينحّوه بماضي لشفار
خذا يمّل داروا تجميل ** يبوا لين يعدّوا بعمار

بجهمه قيس ظهور سهيل ** خذوا لبلاد ** بعرضي تسع الاف زْناد
الرجوع الى أعلى الصفحة اذهب الى الأسفل
بنت بنغازي
معانا فالجلسة
معانا فالجلسة



عدد الرسائل : 16
تاريخ التسجيل : 28/09/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالخميس أكتوبر 09, 2008 1:20 am

ردكم
الرجوع الى أعلى الصفحة اذهب الى الأسفل
mm752005
مؤسس منتدى جلسة
مؤسس منتدى جلسة
mm752005


ذكر
عدد الرسائل : 211
العمر : 48
الموقع : بنغازى هيا بنغازى الى فيها ناسى وعزازى
تاريخ التسجيل : 22/09/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالخميس أكتوبر 09, 2008 8:04 am


متميزة دائما بنت بنغازى وموضوع راااااااااااااااااااائع وقريب جدا من الطموح المستقبلى لمنتدى الجلسة الليبية ونبوها جلست النجع
تحياتى
الرجوع الى أعلى الصفحة اذهب الى الأسفل
https://lovelibya.7olm.org
دلوعة بابا
مشرف قسم صدق المشاعر
مشرف قسم صدق المشاعر
دلوعة بابا


انثى
عدد الرسائل : 1204
العمر : 40
الموقع : فى قلب أبى الحنون أمعاى لايهون غلاى لاهنته.
العمل/الترفيه : عندى عمل مش فاضيه بكل ؟
المزاج : قزون خاطرى من يوم ميتك فاقده الحنان من أصله.
اوسمة : ملحمة النجع 1L928200
تاريخ التسجيل : 26/09/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالخميس أكتوبر 09, 2008 8:31 am


بجد روعه لكن المفروض يكون فيها تنسيق حلوو والله شنو رايك
الرجوع الى أعلى الصفحة اذهب الى الأسفل
بنوتة ليبيا
مؤسس منتدى جلسة
مؤسس منتدى جلسة
بنوتة ليبيا


انثى
عدد الرسائل : 604
العمر : 44
العمل/الترفيه : قانونية
المزاج : عال العال
مزاجك اليوم : ملحمة النجع Dl310
تاريخ التسجيل : 22/09/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالجمعة أكتوبر 10, 2008 12:49 pm


ماشاء الله عليك بنت بنغازي ننتظر فى جديد ويسلمو يديك flower
الرجوع الى أعلى الصفحة اذهب الى الأسفل
نوارة ربيع
مشرفة الشعر والنثر
مشرفة الشعر والنثر
نوارة ربيع


انثى
عدد الرسائل : 928
العمر : 45
الموقع : أينما تكون الجلسة انا أكون
العمل/الترفيه : كساد
المزاج : رايقة الحمد لله
اعلام دول : ملحمة النجع Female36
اوسمة : ملحمة النجع 1L928200
تاريخ التسجيل : 05/10/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالأحد أكتوبر 12, 2008 2:11 pm

رائع بنت بنغازي

لك تحيتي
الرجوع الى أعلى الصفحة اذهب الى الأسفل
lodylody
مشرف أقتصاديات والاوراق المالية
مشرف أقتصاديات والاوراق المالية
lodylody


ذكر
عدد الرسائل : 650
العمر : 44
المزاج : الحمد الله
اوسمة : ملحمة النجع 1L928200
تاريخ التسجيل : 23/09/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالأحد أكتوبر 19, 2008 3:45 pm

روعة خيتي والله روعة

ربي يعطيك الصحة على هذا التميز
واتمنى لكِ التميز الدائم

تحيتي واحترامي لكِ
الرجوع الى أعلى الصفحة اذهب الى الأسفل
قناشي و حر
مشرف هدرزة الجلسة
مشرف هدرزة الجلسة
قناشي و حر


ذكر
عدد الرسائل : 1419
العمر : 46
العمل/الترفيه : مهندس كهربي
المزاج : متعكر
اعلام دول : ملحمة النجع Female36
اوسمة : ملحمة النجع 1L928200
تاريخ التسجيل : 07/10/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالثلاثاء أكتوبر 28, 2008 2:24 am

أكيد قصيدة طويلة
ولكن رائعة

و كلماتها مش عادية

يعطيك الصحة

الرجوع الى أعلى الصفحة اذهب الى الأسفل
عتاب
مشرفة جلستها
مشرفة جلستها
عتاب


انثى
عدد الرسائل : 1026
العمر : 46
المزاج : الحمد لله
اعلام دول : ملحمة النجع Female36
مزاجك اليوم : ملحمة النجع Glg10
اوسمة : ملحمة النجع 1L928200
تاريخ التسجيل : 04/10/2008

ملحمة النجع Empty
مُساهمةموضوع: رد: ملحمة النجع   ملحمة النجع Emptyالأحد نوفمبر 09, 2008 6:49 am



رائعة
سلمت يمناك
ومزيداً من التميز
تحياتي
الرجوع الى أعلى الصفحة اذهب الى الأسفل
 
ملحمة النجع
الرجوع الى أعلى الصفحة 
صفحة 1 من اصل 1
 مواضيع مماثلة
-
» ملحمة مازلت نا هو نا

صلاحيات هذا المنتدى:لاتستطيع الرد على المواضيع في هذا المنتدى
ليبيا الحب  :: قسم الادب والفنون :: الشعر والنثر-
انتقل الى: