ما بين يوم و ليلة .. للشاعر محمد حامد الشيخي

دارت عليه مناحه......العين وين ماشد العزيز رحيله
من يوم غيبته ماعد مذاق الراحه......ذاقت ولابت ترتضيه بديله
ولابت اتقول الصبر فى مطراحه......انديره دوا ونجيربا تهويله
ولابت اتهون لوعته وجراحه......الخاطر ولابت راينا تصغيله
اللى فات مات انسيه يانواحه......يالعين كنك حايسه وضليله
وكنك عليهم دمعتك نضاحه.......ببكاك تقرنى فيه النهار ابليله
هال العقل عندك من قديم اكفاحه.......امنوطر على حمله احمول ثقيله
وناضر تعب واجد وناضر راحه.......وظروف واجده متلاحقه ومليله
وعلينا ايقلب فى نسوم ارياحه.......برام بخت له عكه وله تعديله
ولاتغربك نسمة عفا فواحه......الدنيا اتورى والطريق طويله
وراهن صوابع ليد ياشباحه........ماهن سوا والجيل يعرف جيله
حتى الخيل فيهن فرق فى النرواحه.......فيهن اللى يجفل اتقول الضليله
فيهن اللى فات السماح سماحه......امنسل ونسله من اجياد اصيله
غزير النصى بوعنق بوطراحه........وعده امفجره خالت عليه جميله
وحلاس تونسى ملقوط لون الواحه.......على لون ندوه ولمطار هذيله
مسلوت سلت منقاره وله نشراحه.......قصير قين دوبين الهجار ايشيله
وزفيه اشبوب ايقش فى سمراحه.........امخلط حصاها بالتراب هطيله
فوق من عذاره وين مد اسلاحه.......وناش الحرك سيدا وثاب ثقيله
معا لذعته بركاب فوق اصفاحه.......نوضت رصاص اينوض ساعة شيله
ايحيد الحثى ويطرطشه مفتاحه......وينشرهن على وجه الوطاه دقيله
واسمحلى خذانى وصف سيد الساحه.......اللى عمر مالحق عليه نزيله
اللى كارمه سيده اوقات الراحه.......علوقه ايجى متموم وافى كيله
اللى ضللا فى حموت الضحضاحه.......اوان اشتا ينده على تجليله
ونردوا عللى دالها وزاحه........وغبين امواهيمه وغاب ازويله
ويالعين نحكيلك ابكل صراحه........اللى يلحظك بالعين ماتوميله
واللى ماعليك ايسال يامنذاحه.......لاتاسلى عنه ولا تمشيله
واللى مورزين وصرفته بركاحه......لاتاخذى منه ولا تعطيله
واللى هبل من غادى قليل ارباحه.....بعيد اعزقى عزقت عقاب نقيله
واللى دوم يجبر فالخطا بصلاحه.......ومجرب عنا واجد قليل مثيله
كريم وجه طالقله الله اسراحه.......سليم عقل عارف كل شى تفصيله
اتلم العرب ديما عليه فراحه.......من كونه الهم مرجع وشيخ قبيله
هضاك هولى مدى على مسراحه.......وخوذى احكم من خبرته ودليله
اساع وين ماجيتى خذاك بياحه........ويبرن اوجاعك وين ماتشكيله
وتنسى اللى قطعن عليك املاحه.......وترضى ابحكم الله يالهبيله
......................................................................................
مابين يوم وليله...اعزاز قبل كانولى ذرا وعزيله...رحيلهم رحل مابين

مابين يوم وليله...اعزاز قبل كانولى ذرا وعزيله...رحيلهم رحل مابين يوم او ليله

اي والله لنقانك صدقت صح لسان الشاعر

او مشكور اخي القناشي علي النقل

ولابت اتقول الصبر فى مطراحه......انديره دوا ونجيربا تهويله
ولابت اتهون لوعته وجراحه......الخاطر ولابت راينا تصغيله
اللى فات مات انسيه يانواحه......يالعين كنك حايسه وضليله

مساء الخير

مابين يوم وليله...اعزاز قبل كانولى ذرا وعزيله...رحيلهم رحل مابين

رااائع ماتختار دوماً

اخي قناشي وحر

تحيتي

سالم الزوي

دلوعة بابا

نوارة ربيع

شرفني مروركم

رائع وصدق الشاعر

واختيار رائع قناشى للقصيدة

» ياريت ما ريناك .. للشاعر عبد الحفيظ المغربي
» خواطر للشاعر الشعبي مفتاح الفالح
» خذيت ع البكا...للشاعر / فرج العشيبي
» عهدك عدا ... للشاعر نعيم الزوي
» في القدس .... للشاعر تميم البرغوثي