أمّ ليبية: عن العرس علي الطريقة الليبية

البداية: إرسال كروت العزومة إلي اكبر عدد ممكن من المعارف والأصحاب والجيران وجيران الجيران، لكي تتباهي أم العريس/العروس بالزحمة، وبعدين أتقول والله ما عزمت فيت الأقارب والجيران بس مش عارفه منين جوا.

أهل المناسبة:
التجهيز للمناسبة قبل سنة أو أكثر ويقولوا الوقت زرنا شراء كل ما يلزم وما لا يلزم ـ حسب القول المعروف أيزيد خير ما ينقص
العريس/العروس مكشر وضايقه في وجهه ـ عادة لازم منها ـ
الحوش حايس والعيل الصباي ماشي أيجيب في سيارة
السيارة مش للزفة ـ للمجاري الفايضة ـ
أم العريس/العروس رابطة رأسها مريضة
الطباخة جت وين اللحم؟ من مشا ايجيب فيه؟
عدي لجارتنا وجيب منها منصب وطنجرة كبيرة
عدي لجارتنا وجيب منها بمبة غاز
اهي جارتنا جت ـ علشان ايشوفوا غيرها ـ
قبل المغرب سكون ـ كل شئ عدي للصالة ـ
من ايجيب البنات من الكوافير ـ دوركان لقيت ـ
من في الحمام كنا معش طلع
بقدرة قادر الكل في الصالة ـ الحوش امشرع ـ
صالة الأفراح هي المكان القام به المناسبة سواء حنه او زفة ( عيد ميلاد او لمة اجياب )

المعازيم:
الحضور بدري بيش أتحصل مكان قدام
الجلوس بطريقة ذكية بيش يشوفوا لبستها
فتح واكل كل شئ موجود علي الطاولة
اللي ما تقدرش عليه تأخذه في منديل
ازعمك وين ديرينها هذى ـ توا نسأل أخته ـ
الفرقة تصول وتجول
توا انجي نمشي انسلم ـ بالكي ما شفوش لبستها كويس ـ
كنها افلانة لابسة هكي شنوا صايرلها
ترفع يدها تشير الي صحبتها ـ بيش ايبان الذهب ـ
توا انجي نمشي للحمام ـ في وحدين جو توا بيش ايشوفوها ـ
العريس/العروس طول
باهي مع السلامة
تروح بدون ما تشوف العريس ـ حسرة ـ

الحالة خارج الصالة:
العيال تجري ـ الأب يجري وراه ـ
العيال جعانة ـ الأب يدز ولامن مجيب ـ
العيال نعسانة ـ اشويه قريب انروحوا ـ
العيال ارقدت ـ وين امفاتيح السيارة ـ

الخلاصة:
راح فيها العيل وبات العيل
كل شئ عالبركة ـ ثاني يوم ـ وكل واحد ايروح لحوشة ودور من ايضملك حوشك

ودمتم بود منقول مع تحيات الزوي وأرجوا ان تستمعوا به وتأخذوا العبره

مرحبتين يالزوي كيف حالك

اللي تحكي عليه اصبح عادات و تقاليد بالنسبة لنا اللي عنده و اللي ما عنده الكل يبي يتباهى و يظهر باحسن صورة

نقطة مهمة ماذكرتها نبي انضيفها

بعد ايتم الفرح و يروحو لعويلة لبيتهم

يبدا العريس و مرات حتى العروس ايسددو الديون اللي فوق روسهم

جمعيات .. سلف ... و ربي يفرج على الكل

و الحمد لله عدى الفرح على خير

قناشي و حر كتب:: مرحبتين يالزوي كيف حالك

اللي تحكي عليه اصبح عادات و تقاليد بالنسبة لنا اللي عنده و اللي ما عنده الكل يبي يتباهى و يظهر باحسن صورة

نقطة مهمة ماذكرتها نبي انضيفها

بعد ايتم الفرح و يروحو لعويلة لبيتهم

يبدا العريس و مرات حتى العروس ايسددو الديون اللي فوق روسهم

جمعيات .. سلف ... و ربي يفرج على الكل

و الحمد لله عدى الفرح على خير

أكيد اخي القناشي اصبح من العادات والتقاليد بس الي النقطه الي نحكيه عليه

الي هي اوقات بداية الحفله امتع الفراح الي انتهاء الفرح في الليل الاب والابناء مهملين

يعني ضروري انغيروا من التصلاف هذ

ا

السلام عليكم
بالفعل اللي ذكرته كله أخي سالم أصبح عادة لازم منها
وزيد على ملاحظة القناشي في حتى العروس اللي تبيع ذهبها لسداد الديون
ربي يوفق الجميع

عتاب كتب:: السلام عليكم
بالفعل اللي ذكرته كله أخي سالم أصبح عادة لازم منها
وزيد على ملاحظة القناشي في حتى العروس اللي تبيع ذهبها لسداد الديون
ربي يوفق الجميع

يأهلان وسهلان اختي عتاب نورتي متصفحي

مزبوط ان كل شي اصبح عاده او العاده الجديده ان العريس هوا الي ايبيع ذهب او يضحك

علي المسكين مش العروس الي اتبيع

ونسيت حاجة اتعدى ام العريس اتأجر ذهب البدلة الكبيرة عشان اتوريه للمعازيم وبعدها اتكره من العروس لان دافعه الايجار حق يوم واحد

الامبراطور كتب:: ونسيت حاجة اتعدى ام العريس اتأجر ذهب البدلة الكبيرة عشان اتوريه للمعازيم وبعدها اتكره من العروس لان دافعه الايجار حق يوم واحد

ههههههه مزبوط كلامك الامبرطوار بس علي فكره القصه هذي حلت مشكلة الذهب

ولكن ريحت حق العروس

» ملامح ليبية أصيلة..
» أمّ ليبية: جيــل الجـو الـفايــح
» أمثال ليبية شعبية مع الشرح...
» دعوة للغداء مع ليبية وافتخر
» ليبية وافتخر تطلب النجدة