غناوى على البكا والفراق

( ان درت صوب لك صوبين .. وان خنت يا عزيز نتركك )

( عالغايب أن كان بكيت . تهوين مو طمع في جيته )

( أن مات عيل الجيران . على عزيز سيلى بسبلته )

( لو كان ما بكيت انموت . أخنقت في ياما عبرتي )

( مفجوع كل يوم بفقد . مخلوق قيسني غير للبكا )

( وريني عزيزك وين . نبكي معاك كان جابه ابكا )

( أحنن وفاقدات حنون . أمغير ذنب تسكيتي ألهن )

( ندفر ألقيتني يا وقت ... مشكا أنسيت مشكا جبتلي )

( انريد ندفرة اندفرت . مقوى جهد ثاريت وقتنا )

( وجعاتهم ايام اهلبن . اعزاز وين لاقوني بكوا )

( بكوها حومت فجر . لادوج لافي لمن تلتجي )

( انعوزك وما نلقاك . زريعة اربا يا دمعتي )

( حتى لو بكيتي بيش . كلا عزيز ما نريد نخلقه )

( مليت من خلا لوهام . وتقدر اتقول حتى من البكا )

( لو كان ما بكيت نموت ... أخنقت في ياما عبرتي )

( انربد نعرفوا مشكاك.. تبكي منيش ومنيش تسكتي )

( كريت الغطا وبكيت . بشويش نين فضيت خاطري )

( نحساب برمتي عالدار . تبري العقل زاداتا مرض )

( مرات في عقاب اليل ..ننزح ادموع لابي لاعلي )

( طرولها الدار اسكبت . من طولت البكا داخت غفت )

( نلقانا ملايا غيظ . وماعندنا نياط للبكا )

( تضايق أن كان أسكتت . وأن كان هي بكت مي باده )

( مخازن العين أكملن . نبى دمع نبكيبه سلف )

--------------------

زواعب أدموع العين ... علي عزيز مازالن أقوى

العمر موش كله عزم ... ايجن أوقات نرموا ع البكا

نبكوبه ان ضاق الحال ... لنا الدمع ربي خالقه

تضايق أن كان أسكتت . وأن كان هي بكت مي باده

الخاطر اللي صبار ... بكوه نين نايوا الدمعته

الخاطر من لهيب النار ...خله عزومه على للى دار

بكيت والبكا ما جاب .. ننساهم الله غالب علي

كثرن دسايسك ياعقل .......... والاي هذي تبيلها ابكـاا

دبلت يا عزيز الدار ... بدموعي بعد ريغانها

مساء الخير

ادموعي على لولاف ... نزيل غيم ريحة خامدة.

فراق العزيز صعيب والصبر في فراقه كادني

تحيتي

نين ايجوني .. قاطع نفس و اخرى بكا دكنوني .. انراجي احباب العين

بكيت عليهم بكاء ايتم ...اتقول على الفراق مجبوره

دمع العين امغير ايهطل .. لا جاب غوالي لا بطل

وجعاتهم ايام اهلبن . اعزاز وين لاقوني بكوا

العقل واجعه ماضيه ... يبكي عليه مازال قاهـــــــــره

بكايا طوول الوقت ...ومالقت عزاء من يعزيها على الوقت ..............

تخطيري الهم ياعين @ تهوين ماغلا في بكيتك

بكيت والبكاء ماجاب ننساهم الله غالب علي

ان كان عالبكا بكاي .. علي عزيز وانعارك اخرى

idris كتب:: بكيت والبكا ما جاب .. ننساهم الله غالب علي

اعزاز وسدوك اهموم .. وغطوك بالمهاياه والبكا

صحيت خويا فعلا كلمات رائعه ومعبره
سلمت كلماتك وسلت انت اخى
تقبل مرورى

العزم جربوه ايتام .... لقوه خير يا عين مالبكا

أحنن وفاقدات حنون . أمغير ذنب تسكيتي ألهن

بكاية علم يا عين ... خليهم ايقولو ضاله

» خذيت ع البكا...للشاعر / فرج العشيبي
» غناوى علم (على الخونه)
» غناوى علم على (الياس)
» غناوى علم حلو خش واختار رقم وشوف شن طلع...حظك,